Tariximiz
GeoCompany 2022-ci ildə qurulmuşdur. Cavan bir şirkət olmağımıza baxmayaraq, komandamız uzun illərin təcrübəsinə malik geoloqlardan ibarətdir. Onlar müxtəlif layihələrdə qazandıqları bilik və bacarıqları sayəsində hər bir layihəni yüksək peşəkarlıqla dəstəkləyir və uğurlu nəticələr əldə olunmasına kömək edirlər.
Qısa müddət ərzində şirkətimiz bir sıra uğurlu geoloji tədqiqat layihələrini həyata keçirmiş, müştərilərinə effektiv və innovativ həllər təqdim etmişdir. Bizim dinamizmimiz və adaptasiya qabiliyyətimiz bazarda sürətlə rəqabətə davam gətirməyimizə imkan verir.
Missiyamız
Biz geoloji kəşfiyyatda gizli potensialı üzə çıxarırıq və layihələriniz üçün dəqiq, etibarlı həllər təqdim edirik. Geotexniki problemləri ixtiraçılıq və dəqiqliklə həll edərək riskləri qiymətləndirir, imkanları təqdim edir və investisiyalarınızın dəyərini artırırıq.
Müştəriyə Yanaşmamız
Müştəri məmnuniyyəti bizim əsas prioritetimizdir. Açıq ünsiyyət, əməkdaşlıq və məsuliyyət sayəsində biz sizin komandanız üçün etibarlı tərəfdaşıq.
Hər bir layihəyə fərdi yanaşır, müştərinin ehtiyaclarını diqqətlə dinləyir və ən uyğun həll yollarını təklif edirik. Uzunmüddətli tərəfdaşlıq qurmaq və etibar yaratmaq bizim əsas məqsədimizdir.
Gələcəyə Baxışımız
GeoCompany daim böyüməyə və inkişaf etməyə açıqdır. Biz gələcəkdə daha böyük layihələrə imza atmaq, yeni bazarlara çıxmaq və geoloji tədqiqatlarda lider mövqeyimizi gücləndirmək niyyətindəyik.
Dəyərlərimiz
Fəaliyyətimizin əsasını təşkil edən və hər bir layihədə rəhbər tutduğumuz əsas prinsiplərdir.
Peşəkarlıq
Hər işimizdə ən yüksək keyfiyyət və dəqiqlik standartlarına riayət edirik.
Əməkdaşlıq
Müştərilərimizlə sıx əməkdaşlıq edərək, komanda ruhunda uğurlu nəticələr əldə edirik.
Təhlükəsizlik
Bütün layihələrimizdə işçilərimizin və ətraf mühitin təhlükəsizliyinə prioritet veririk.
Peşəkar Komandamız
Uğurumuzun əsas səbəbi öz sahəsində dərin bilik və təcrübəyə malik mütəxəssislərdən ibarət komandamızdır.
Tural İgidov
Direktor
20 ildən çox təcrübəyə malik peşəkar geoloqdur. O, həm çöl tədqiqatlarında, həm də kommersiya layihələrində geniş təcrübə qazanmışdır. Onun rəhbərliyi altında şirkət layihələrdə yüksək dəqiqlik və keyfiyyət prinsiplərinə əməl edir. Təcrübəsi və bilikləri komandaya strateji yön verməyə və uğurlu nəticələr əldə etməyə imkan yaradır.
İlman Məmmədov
Baş Geoloq
1955-ci il təvəllüdlü geoloq-mühəndis, 1977-ci ildə Azərbaycan Dövlət Universitetini bitirmişdir. Onun uzun illər ərzində qazandığı təcrübə qeyri-filiz və tikinti materialları yataqlarının kəşfiyyatı və idarə edilməsində əhəmiyyətli rol oynamışdır. İlman Məmmədov həm praktik, həm elmi işlərdə uğurlar qazanmış, bir sıra kitab və məqalələrin müəllifi, Dövlət Geologiya Komitəsi və SSRİ Geologiya Nazirliyi tərəfindən təltif olunmuşdur.
Alyosha İbrahimov
Geoloq
40 ildən artıq çöl təcrübəsinə malik peşəkar geoloqdur. O, xüsusilə mineralların tanınması və identifikasiyası sahəsində liderdir. Onun zəngin təcrübəsi və bilikləri geoloji tədqiqatlarda yüksək dəqiqlik və etibarlılıq təmin edir, komandamız üçün dəyərli ekspert resursudur.
Telman Ağazadə
Topoqoq
35 ildən artıq təcrübəyə malik peşəkar topoqrafdır. O, mürəkkəb ərazilərdə dəqiq xəritəçəkmə və ölçmə işlərini həyata keçirməkdə ixtisaslaşıb. Onun uzun illərdən gələn təcrübəsi layihələrin dəqiqlik və keyfiyyət standartlarına cavab verməsini təmin edir və komandamız üçün etibarlı ekspert resursudur.
Orxan Əsədov
Geoloq
Mineral xammal yataqlarının axtarışı, qiymətləndirilməsi və inventarlaşdırılması üzrə təcrübəli mühəndis-geoloqdur. O, həm dövlət, həm də özəl sektorda layihələrə rəhbərlik etmiş, tikinti sahəsində keyfiyyətə nəzarət etmişdir. Onun geniş bilikləri və praktiki təcrübəsi GeoCompany komandası üçün strateji üstünlük yaradır.
Rəşid Məcidov
Kartoqraf
12 ildən çox təcrübəyə malik peşəkar Kartoqraf və Geodeziya mühəndisidir. O, həm yerli, həm də beynəlxalq layihələrdə iştirak etmiş, mürəkkəb geoloji və infrastruktur layihələrində yüksək dəqiqlik və keyfiyyət təmin etmişdir. Rəşid həm praktik, həm elmi fəaliyyətlə məşğuldur, pedoqoji təcrübəsi ilə gələcək nəsil mütəxəssislərin yetişməsinə töhfə verir və "GİS hamı üçün" kitabının müəllifidir.
Dilbər İbrahimli
Geofizik
Komandamızın gənc və məsuliyyətli üzvüdür. O, Geologiya və Geofizika Mühəndisliyi üzrə təhsil almış, həm elmi biliklərini, həm də müxtəlif sahələrdə praktiki təcrübəsini birləşdirərək peşəkar inkişafını davam etdirir. Dilbərin maraq dairəsinə neft və qaz yataqlarının geoloji tədqiqi, ekoloji problemlərin araşdırılması və enerji ehtiyatlarının dayanıqlı idarə olunması daxildir. O, həm akademik, həm də sosial layihələrdə fəal iştirak edir və komandamızın inkişafına töhfə verir.
İbrahim Məmmədov
Geoloq
Geoloji kəşfiyyat və neft-qaz mühəndisliyi üzrə təhsil almış, karyerasına yeni başlamış perspektivli mütəxəssisdir. O, daim öyrənməyə maraqlı, məsuliyyətli və komanda ilə işləmək bacarığına malikdir. Hərbi xidmət və təcrübə proqramları sayəsində əldə etdiyi nizam-intizam və dəqiqlik keyfiyyətləri işində uğurlu nəticələr göstərməsinə imkan verir.
Məhəmməd Əlizadə
Geoloq
Gənc və perspektivli geologiya mühəndisidir. O, komanda ilə işləmək bacarığı, məsuliyyətli yanaşması və yeni metodologiyaları öyrənməyə açıq olması ilə seçilir. Dövlət qurumları və muzey tədqiqatlarında əldə etdiyi təcrübə onun nəzəri biliklərini gücləndirib və praktiki bacarıqlarını inkişaf etdirib. Məhəmməd geologiya sahəsində peşəkar inkişaf yolunda ardıcıl addımlar atmaqla gələcəkdə uğurlu layihələrdə iştirak etməyə hazırdır.
Layihənizə başlayaq
Əgər geoloji kəşfiyyat sahəsində etibarlı tərəfdaş axtarırsınızsa, bizimlə əlaqə saxlayın.
İndi əlaqə saxlayın
AZ
EN
RU